Veðurfræðifélagið

Málþing Vísindafélagsins – Hnattrænar loftslagsbreytingar

Vísindafélag Íslendinga heldur málþing um áhrif hnattrænna loftslagsbreytinga á umhverfið og samfélag manna. Málþingið fer fram 16. nóv. í sal V101 í Háskólanum í Reykjavík. Sjá nánar á vef félagsins http://www.visindafelag.is/ og auglýsinguna hér að neðan.

Harry Otten verðlaunin

Evrópska Veðurfræðifélagið vill minna á svokölluð Harry Otten verðlaun sem veitt eru fyrir nýsköpun á sviði veðurfræði. Sjá hér: http://www.harry-otten-prize.org/.

Dagskrá haustþings 11. október

Veðurfræðifélagið heldur haustþing næstkomandi fimmtudag 11. október 2012. Fundur verður settur kl. 13 í Forgarði á Veðurstofu Íslands að Bústaðavegi 7. Þingið og Veðurfræðifélagið eru opin öllum sem hafa áhuga á veðri og veðurfari. Að þessu sinni eru erindin 6 talsins og stutt ágrip erindanna má finna hér.

Dagskrá þingsins:

* 13:00 – Inngangur
* 13:05 – Þórður Arason og Hrafn Guðmundsson: Norðurljósaspár Veðurstofunnar.
* 13:25 – Elín Björk Jónasdóttir: Aukið endurkast hlýrra skýja yfir hafi – Keyrslur í veðurfarslíkani.
* 13:45 – Nikolai Nawri: The wind energy potential of Iceland.
* 14:05 – Gunnhildur Ingibjörg Georgsdóttir og Þröstur Þorsteinsson: Sandfok á Íslandi 2002–2011; tíðni, upptakasvæði og veðuraðstæður.

Kaffihlé

* 14:50 – Elín Björk Jónasdóttir og Kristín Hermannsdóttir: Veðurspár og veðrið 9.-11. september 2012.
* 15:10 – Haraldur Ólafsson: Þrýstifrávik undir fjalli í ýmsum veðrum.

Norðurljós í Kópavogi. Ljósm. Þórður Arason 19. september 2012 kl. 23:04.

Haustþing Veðurfræðifélagsins

Veðurfræðifélagið auglýsir haustþing sitt sem haldið verður fimmtudaginn 11. október 2012. Fundur verður settur kl. 13 í Forgarði á Veðurstofu Íslands að Bústaðavegi 7 og slitið kl. 16. Þingið og Veðurfræðifélagið eru opin öllum sem hafa áhuga á veðri og veðurfari.

Hér með er auglýst eftir óskum um erindi á haustþinginu er tengjast veðri og/eða veðurfari. Erindin verða að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“. Jafnframt væri skemmtilegt að fá eina áhugaverða mynd úr hverju erindi fyrir auglýsingu vegna þingsins.

Veður og myndir frá Kverkfjöllum

Í byrjun mánaðar var sett upp vefmyndavél, auk veðurstöðvar norðan við skála Jöklarannsóknafélags Íslands í Kverkfjöllum. Upplýsingarnar uppfærast á 30 mín fresti og eru aðgengilegar hér. Myndavélin horfir yfir vesturhluta Hveradals þar sem jökulstíflað lón myndast vegna jarðhita en úr því hleypur reglulega. Veðurstöðin er einnig hentug til að gá til veðurs áður en haldið er til göngu um svæðið.

Hér er aðgengilegt myndband sem sýnir 10 daga á vefmyndavélinni í Kverkfjöllum á um 1 mínútu myndskeiði https://vimeo.com/44039559.

Verkefnið er m.a. styrkt af Vinum Vatnajökuls en ýmsir aðrir hafa jafnframt komið að því.

Dagskrá sumarþings

Veðurfræðifélagið heldur sumarþing sitt næstkomandi þriðjudag 29. maí 2012. Fundur verður settur kl. 13 í Forgarði á Veðurstofu Íslands að Bústaðavegi 7 og slitið kl. 15:30. Þingið og Veðurfræðifélagið eru opin öllum sem hafa áhuga á veðri og veðurfari. Að þessu sinni eru erindin 6 talsins og stutt ágrip erindanna má finna hér.

Dagskrá þingsins:
——————-
* 13:00 – Inngangur
* 13:05 – Trausti Jónsson: Meðalhiti og íslenska misseristímatalið
* 13:25 – Skúli Þórðarson: Gildi veðurradars fyrir stjórnun vetrarþjónustu Vegagerðarinnar
* 13:45 – Hróbjartur Þorsteinsson: Samvirkni dreifilíkans og öskuathugana

Kaffihlé

* 14:30 – Halldór Björnsson: Sjávarstöðubreytingar
* 14:50 – Hálfdán Ágústson: Íslandsveður framtíðar reiknað í þéttriðnum möskvum
* 15:10 – Trausti Jónsson: Hlýju áratugirnir 1931 til 1940 og 2001 til 2010 – hver er munurinn?

Síðustu forvöð að skrá erindi á sumarþing

Nú eru síðustu forvöð að senda óskir um erindi á sumarþingi Veðurfræðifélagsins sem haldið verður þriðjudaginn 29. maí í næstu viku. Erindin þurfa að tengjast veðri og/eða veðurfari, og eru að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“.

Athugið að þingið verður að þessu sinni haldið kl. 13-16 í Forgarði á Veðurstofu Íslands að Bústaðavegi 7.

Sumarþing Veðurfræðifélagsins

Veðurfræðifélagið auglýsir sumarþing sitt sem haldið verður þriðjudaginn 29. maí 2012. Fundur verður settur kl. 13 í Forgarði á Veðurstofu Íslands að Bústaðavegi 7 og slitið kl. 16. Þingið og Veðurfræðifélagið eru opin öllum sem hafa áhuga á veðri og veðurfari.

Hér með er auglýst eftir óskum um erindi á sumarþinginu er tengjast veðri og/eða veðurfari. Erindin verða að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“. Jafnframt væri skemmtilegt að fá eina áhugaverða mynd úr hverju erindi fyrir auglýsingu og dagskrá þingsins.

Vefsíða norræna veðurfræðingaþingsins í Kaupmannahöfn

Danska veðurfræðifélagið hefur nú gert aðgengilega vefsíðu norræna veðurfræðingaþingsins sem haldið verður í Kaupmannahöfn í byrjun júní:

http://www.dams.dk/en/?Nordic_Meteorologists’_Meeting_2012.

Endurkjörin stjórn Veðurfræðifélagsins og ýmsar tilkynningar

Stjórn

Á aðalfundi 14. febrúar var stjórn Veðurfræðifélagsins endurkjörin. Hana skipa nú sem áður:

• Guðrún Nína Petersen, formaður
• Sibylle von Löwis, gjaldkeri
• Hálfdán Ágústsson, ritari

Ráðstefnurstyrkir

Á aðalfundi félagsins var ákveðið að Veðurfræðifélagið muni áfram bjóða uppá nokkra styrki fyrir þinggjöldum eða hluta þinggjalda fyrir meðlimi félagsins sem vilja sækja fræðaþing og ráðstefnur en fá ekki til þess sérstakan styrk frá vinnuveitanda. Allar nánari upplýsingar er að finna í fyrri tilkynningu um styrkina. Mælst er til þess að áhugasamir sækji einnig um aðra mögulega styrki, t.d. YSTA styrki EMS fyrir stúdenta.

Þorraþing

Sama dag og aðalfundur var haldinn hélt félagið vel sótt Þorraþing.  Flest erinda Þorraþingsins verða bráðlega aðgengileg á vefsíðu félagsins.

Ráðstefnur

Okkur hafa borist tvær tilkynningar um erlendar ráðstefnur:

• 28. norræna veðurfræðingaþingið verður haldið 4.-8. júní í Kaupmannahöfn. Frestur til skráningar og senda inn útdrætti er 1. maí en nánari upplýsingar er að finna hér.
• Árleg ráðstefna Evrópska veðurfræðifélagsins verður haldin í 10.-14. september í Lódz í Póllandi. Frestur til að senda ósk um erindi er til 26. apríl, sjá hér og hér.

Ljósmyndakeppni Evrópska veðurfræðifélagsins

Að lokum bendum við á að skoða má stórkostlegar ljósmyndir úr keppni Evrópska veðurfræðifélagsins hér.