Veðurfræðifélagið

Ljósmyndakeppni EMS

Evrópska Veðurfræðifélagið boðar til þriðju ljósmyndakeppni sinnar. Öllum er boðið að senda inn myndir til keppninnar, en myndirnar þurfa að tengjast veðri á árunum 2012 og 2013. Hver keppandi má senda inn tvær myndir og frestur er til 17. janúar 2014.

Allar frekari upplýsingar eru hér: “http://www.emetsoc.org/?id=405”.

Opinn fundur um bráðnun jökla og hækkun sjávarborðs

Eftirfarandi tilkynning barst Veðurfræðifélaginu:

Opinn fundur
Bráðnun jökla og hækkun sjávarborðs
11. október kl. 12–13 í Hátíðasal Háskóla Íslands.

Þér er boðið á opinn fund þar sem stjórnendur og íslenskir þátttakendur evrópska rannsóknarverkefnisins ice2sea kynna niðurstöður sínar. Markmið verkefnisins var að endurbæta spár um þau áhrif sem bráðnun jökla hefur á hækkun sjávarborðs.

Dagskrá:

12.00 – Ari Trausti Guðmundsson setur fundinn.
12.05 – Stjórnandi ice2sea, David Vaughan , British Antarctic Survey, kynnir niðurstöður verkefnisins.
12.20 – Guðfinna Aðalgeirsdóttir , dósent í jöklafræði við Háskóla Íslands, flytur erindið „ice2sea og svæðisbundnar breytingar á sjávarborði“.
12.30 – Helgi Björnsson , vísindamaður emeritus við Jarðvísindastofnun Háskóla Íslands, flytur erindið „Jöklabreytingar á Íslandi frá lokum 19. aldar“.
12.40 – Pallborðsumræður undir stjórn Ara Trausta Guðmundssonar .
13.00 – Fundarlok.

Dagskrá sumarþings

Sumarþing Veðurfræðifélagsins verður haldið næstkomandi fimmtudag, 13. júní. Þingið verður sett kl. 14 í matsal Veðurstofu Íslands að Bústaðavegi 7. Veðurfræðifélagið og þing þess eru opin öllum sem hafa áhuga á veðri og veðurfari.

* 14:00 – Þing sett
* 14:05 – Elín Björk Jónasdóttir: Skýstrókar í Oklahóma.
* 14:20 – Atli Norðmann Sigurðarson: Bayesískt tölfræðilíkan fyrir mánaðarlega úrkomu byggt á úrkomumælingum og úttaki úr veðurfræðilíkani.
* 14:35 – Bolli Pálmason: Kynning á Harmonie veðurlíkani Veðurstofunnar.
* 14:50 – Þórður Arason: Notkun eldinga í gosmekki til að ákvarða staðsetningu eldgoss.

* 15:05 – Kaffihlé

* 15:30 – Óli Páll Geirsson: Modelling annual maximum 24 hour precipitation in Iceland using block sampling and SPDE models.
* 15:45 – Trausti Jónsson: Kvöldstöðvar – Hvað er það? Hverjar eru þær?
* 16:00 – Haraldur Ólafsson: Litið yfir mæliherferðir undanfarinna ára.

Ágrip erinda má finna: hér.

Sumarþing – Óskir um erindi

Nú eru síðustu forvöð að senda inn erindi á sumarþing Veðurfræðifélagsins sem haldið verður að viku liðinni, kl. 14 fimmtudaginn 13. júní.

Erindin eru að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“.

Sumarþing Veðurfræðifélagsins

Sumarþing Veðurfræðifélagsins verður haldið fimmtudaginn 13. júní 2013. Þingið verður sett kl. 14 í matsal Veðurstofu Íslands að Bústaðavegi 7.

Hér með er auglýst eftir óskum um erindi á þinginu. Erindin eru að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“.

Veðurfræðifélagið og þing þess eru opin öllum sem hafa áhuga á veðri og veðurfari.

Endurkjörin stjórn, styrkir og EMS-þing

Stjórn

Á nýliðnum aðalfundi 12. febrúar var stjórn Veðurfræðifélagsins endurkjörin. Hana skipa nú sem áður:

• Guðrún Nína Petersen, formaður
• Sibylle von Löwis, gjaldkeri
• Hálfdán Ágústsson, ritari

Ráðstefnurstyrkir

Líkt og áður mun Veðurfræðifélagið áfram bjóða uppá nokkra styrki fyrir þinggjöldum eða hluta þinggjalda fyrir meðlimi félagsins sem vilja sækja fræðaþing og ráðstefnur en fá ekki til þess sérstakan styrk frá vinnuveitanda. Allar nánari upplýsingar er að finna í fyrri tilkynningu um styrkina. Mælst er til þess að áhugasamir sækji einnig um aðra mögulega styrki, t.d. YSTA styrki EMS fyrir stúdenta.

Ráðstefnur

Árleg ráðstefna Evrópska veðurfræðifélagsins verður haldin í 9.-13. september í Reading í Englandi. Frestur til að senda ósk um erindi er til 25. apríl, sjá hér.

Dagskrá þorraþings

Þorraþing Veðurfræðifélagsins verður haldið á sprengidag, 12. febrúar, að Bústaðavegi 7. Þingið hefst kl. 13:30 sem er 30 mínútum síðar en áður var auglýst. Í framhaldi af þinginu heldur Veðurfræðifélagið aðalfund sinn.

* 13:30 – Inngangur
* 13:35 – Páll Bergþórsson: Hitasveiflur vegna hafíss
* 14:00 – Ingibjörg Jónsdóttir: Hafísvöktun – er líf eftir ENVISAT?
* 14:15 – Einar Sveinbjörnsson: Norðanáhlaupið 10. til 11 september og líkindi við snjóflóðaveðrið á Vestfjörðum 25. október 1995
* 14:30 – Trausti Jónsson: Áttvísi ofviðra
* 14:45 – Hróbjartur Þorsteinsson: Snjóhulugreining með MODIS

Stutt kaffihlé og aðalfundur

Stuttir útdrættir nokkurra erinda eru hér.

Þorraþing og aðalfundur

Þorraþing Veðurfræðifélagsins verður haldið á sprengidag, 12. febrúar 2013. Þingið hefst kl. 13 og í framhaldi af því heldur Veðurfræðifélagið aðalfund sinn. Upplýsingar um staðsetningu berast er nær dregur.

Hér með er auglýst eftir óskum um erindi á þorraþinginu. Að þessu sinni er óskað sérstaklega eftir erindum sem falla undir flokkinn “Aftök í veðri” en sem fyrr eru öll erindi tengd veðri og/eða veðurfari velkomin. Erindin verða að jafnaði um 12 mínútur auk 2 mínútna til spurninga. Senda þarf titil og stuttan útdrátt á „vedurfraedifelagid hjá gmail.com“, en jafnframt er óskað eftir áhugaverðri mynd úr hverju erindi fyrir auglýsingu þingsins og vef félagsins.

Veðurfræðifélagið og þing þess eru opin öllum sem hafa áhuga á veðri og veðurfari.

Málþing Vísindafélagsins – Hnattrænar loftslagsbreytingar

Vísindafélag Íslendinga heldur málþing um áhrif hnattrænna loftslagsbreytinga á umhverfið og samfélag manna. Málþingið fer fram 16. nóv. í sal V101 í Háskólanum í Reykjavík. Sjá nánar á vef félagsins http://www.visindafelag.is/ og auglýsinguna hér að neðan.

Harry Otten verðlaunin

Evrópska Veðurfræðifélagið vill minna á svokölluð Harry Otten verðlaun sem veitt eru fyrir nýsköpun á sviði veðurfræði. Sjá hér: http://www.harry-otten-prize.org/.